Power bank එකෙන් ඔයගෙ Phone එක Charge කරන්න පුලුවන් වාර ගණන හරියටම දැනගනිමු.

 අද මම කියල දෙන්න යන්නේ Power bank එකක් පාවිච්චි කරන කෙනෙකුට ගොඩක් වන දෙයක්. කෙනෙක්ට හිතෙන්න පුලුවන් මේක කියල දෙන්නත් දෙයක්ද .. Power bank එකේ ධාරිතාව දුරකතනයේ Battery එකේ ධාරිතාවයෙන් බෙදුවම එන උත්තරේ තමයි එක Charge කරන්න පුලුවන් වර ගණන කියලා. අපි ඒක උදාහරණයක් විදිහට බලමු.

• මේ තියෙන්නේ ඔයාගෙ Power bank එකේ ධාරිතාවය.. ඒක 16000 mAh යි.

• මේ තියෙන්නෙ ඔයාගෙ Phone එකේ Battery එකේ ධාරිතාවය. ඒක 1500 mAh යි.

 දැන් සාමාන්‍ය විදිහට Phone එක Charge කරන්න පුලුවන් වාර ගණන අපි හොයන්නෙ මේ විදිහට නේ.... 

 Power bank එකේ ධාරිතාවය / දුරකතනයේ Battery එකේ ධාරිතාවය = ආරෝපණය කළ හැකි වාර ගණන 

16000 / 1500 = 10.66

අපිට ලැබෙන පිළිතුර අනුව වාර 10 හමාරක් අපේ දුරකතනය අපිට ආරෝපණය කරගන්න පුලුවන්.

ඇත්තටම මේ පිළිතුර නිවැරදිද?  Power bank ගැන හිතන්න ඕනි නෑ.. නිකමට හිතන්න අපේ දුරකථනයේ බැටරිය ගැන. Phone Battery එක සම්පුර්ණයෙන් Charge කරල කතාකරන්නෙ නැතිව දවස් තුන හතරක් නිකන් තියල තිබ්බත් ඕකේ Charge එක ටිකක් බහිනවනේ.. ඒමොකද? දුරකථනයේ ඇති පරිපථ කොටස්වල ක්‍රියාකාරිත්වයට අවශ්‍ය බලය ලබාගන්නෙ ඔය බැටරියෙන් නිසා..

ඔය කාරණේම තමයි ඉතින් අපේ Power Bank එකටත්.. ඒකෙ පරිපථ කොටස්වල ක්‍රියාකාරිත්වයට අවශ්‍ය බලය ලබගන්නෙත් ඔය 16000 mAh කියල ගහපු බැටරියෙන්ම තමයි. ඒක නිසා ඉහත දී අපි ලබාගත් පිළිතුර අපිට ලැබෙන්නෙ නෑ කියල මේක පාවිච්චි කරන අය අත්දැකීමෙන්ම දන්නවා.   

 එහෙමනම් කොහොමද? හරියටම Charge කරගන්න පුලුවන් වාර ගණන ගණනය කරන්නේ.. ඒකට අපිට තියෙනවා පොඩි ගණිත සූත්‍රයක් හරිම සරලයි.

( 3.7 *  Power bank එකේ ධාරිතාවය ) / 5 =  Power bank එකේ ධාරිතාවයෙන් අපට භාවිතා කළ හැකි                                                                              ආරෝපණ ප්‍රමාණය 

Power bank එකේ ධාරිතාවයෙන් අපට භාවිතා කළ හැකි / දුරකථන Battery        = ආරෝපණය කළ හැකි    ආරෝපණ ප්‍රමාණය                                                 ආරෝපණ ප්‍රමාණය       වාර ගණන 

දැන් අපි උදාහරණ වලින් බලමු. 

01).  16000 mAh ධාරිතාවය සහිත Power bank එකකින් 1500 mAh ක ධාරිතාවයකින් යුතු දුරකථන බැටරියක් ආරෝපණය කළ හැකි වාර ගණන සෙවීම.

( 3.7 *  Power bank එකේ ධාරිතාවය ) / 5 =  Power bank එකේ ධාරිතාවයෙන් අපට භාවිතා කළ හැකි                                                                              ආරෝපණ ප්‍රමාණය 

( 3.7 * 16000 mAh ) / 5  = 11840 mAh 

මෙහිදී අපිට Power bank එකෙන් සත්‍ය වශයෙන් ආරෝපණ 11840 mAh ක් භාවිතා කළ හැකියි. 

Power bank එකේ ධාරිතාවයෙන් අපට භාවිතා කළ හැකි / දුරකථන Battery      = ආරෝපණය කළ හැකි    

ආරෝපණ ප්‍රමාණය                                                        ආරෝපණ ප්‍රමාණය       වාර ගණන 

 11840 mAh / 1500 mAh  = 7.89

මෙහිදී වාර 7.89 ක් අපිට පහසු විදිහට කිව්වොත් වාර 7 හමාරක් අපේ දුරකථනය Charge කරගන්න පුලුවන්.

02).   20000 mAh ධාරිතාවය සහිත Power bank එකකින් 2500 mAh ක ධාරිතාවයකින් යුතු දුරකථන බැටරියක් ආරෝපණය කළ හැකි වාර ගණන සෙවීම.

( 3.7 * 20000 mAh ) / 5  = 14800 mAh 

14800 mAh / 2500 mAh  = 5.92

මෙහිදී වාර 5.92 ක් ආසන්න වශයෙන් වාර 6 ක් අපේ දුරකථනය Charge කරගන්න පුලුවන්.

දැන් ඔයාලට මේ විදිහට Power bank එකේ ධාරිතාව සහ  ඔයාගේ දුරකථන Battery යේ  ධාරිතාවය භාවිතා කරල Phone එක Charge කල හැකි වාරගණන සොයාගන්න පුලුවන්..   

                                                                          

Read more »

O/L සහ A/L විභාග ප්‍රතිඵල Android Phone එකෙන් බලමු.

   ඔබට අවශ්‍ය O/L සහ A/L විභාග ප්‍රතිඵල ලබාගැනීම සඳහා Play Store වෙත පිවිස Exam Results G.C.E (O/L,A/L ) යනුවෙන් Type කර එම ඇප් එක වෙත පිවිස ඔබේ දුරකතනයට Install කරගන්න.

මෙතනින් පිවිස Download කරගන්න.

Read more »

ෆෝන් එකෙන් යාලුවන්ට WIFI දෙමු. ( ෆෝන් එකේ wifi hotspot එකක් නිර්මාණය කිරීම ) ...

 අද මම ඔයාලට කියල දෙන්න යන්නේ ඔයාගෙ Android ෆෝන් එක කොහොමද Wifi hotspot එකක් කරගන්නෙ කියල. අපි හිතමු ඔයාගේ ෆෝන් එකේ Data ඉවරයි නමුත් ඔයාට හදිස්සියෙම Internet එකෙන් මොනවහරි දෙයක් Download කරගන්න ඕනි වුනා කියලා. ඒ වෙලාවට ඔයාට මේක සෑහෙන්න වටිනවා. ඔයාට පුළුවන් යාළුවගේ Android ෆෝන් එක මේ විදිහට wifi  hotspot එකක් කරල  ඔයාගේ ෆෝන් එකෙන් ඕනි දෙයක් Download කරගන්න. ඒ විතරක් නෙවෙයි. ඔයාගේ ෆෝන්  එකට System Update එකක් ආවහම ඒක Update කරගන්න Wifi විතරක් ඉල්ලනවනම් වෙන ෆෝන් එකකින් මේ විදිහට හොට්ස්පොට් එකක් නිර්මාණය කරගෙන ඔයාගේ ඒ System Update එක කරගන්නත් පුළුවන්. 

ඔයාගේ ෆෝන් එක Dongle එකක් කරගන්නේ කොහොමද කියල මම කලින් කියල දුන්නනේ.. ඒක බලන්න මෙතැනින් යන්න.

• හරි.. දැන් බලමු ඔයාගේ ෆෝන් එකෙන් පිටට wifi දෙන්නෙ කොහොමද කියලා. ඉස්සෙල්ලම ඔයාගේ Phone එකේ Data Connection එක ON කරගන්න.

• දැන් Settings වලට යන්න.

එකෙ Connections කියන එක යටතේ තියෙන More Networks වලට යන්න. 

• දැන් Tethering & Mobile Hotspot කියන එක තෝරන්න. සමහර ෆෝන් වල මේ පිළිවෙල වෙනස් වෙන්න පුළුවන්. කොහොම හරි මේ Tethering & Mobile Hotspot කියන එක හොයාගන්න.

• දැන්  ඒක උඩ ටච් කරලා enable කරගන්න. එතකොට මේ වගේ Message එකක් අවොතින් ඒක Ok කරගන්න.

• දැන් මේ විදිහට කොළ පාට Mark එකක් වැටිලා wifi හොට්ස්පොට් එක සාර්ථකව නිමවුන බව පෙන්නයි. තව මේ විදිහට ඉහළින්ම wifi hotspot මාර්ක් එකකුත් වැටිලා තියෙනව පෙන්නාවි ..  

• එහෙම නැත්නම් මෙතනට ගියාමත් wifi hotspot එක active වෙලා තියෙනවා පෙන්නාවි.

දැන් තියෙන්නෙ Phone ඒකෙන් හරි ලැප්ටොප් එකෙන් හරි සාමාන්‍ය විදිහට wifi search කරලා internet යන එක.

දැන් අපේ wifi hotspot  එක තියෙන්නේ wifi search කරන ඕනි කෙනෙකුට connect වෙලා ඉන්ටෙර්නෙට් යන්න පුළුවන් විදිහට. එහෙම උනොත් අපි නොදන්න අයට උනත් හොරාට connect වෙන්න පුළුවන්. එතකොට අපේ Data ටිකට නම් sorry තමා. එක නිසා අපි බලමු මේකට Password එකක් යොදන්නේ කොහොමද කියල.

• ඔයාලගේ හොට්ස්පොට් එක active කල තැන තියෙන Configure කියන එක ඔබන්න.

• දැන් Security කියන තැන තියෙන්නේ Open කියල. ඒක නිසා තමයි හැම කෙනාටම අපේ wifi භාවිතා කරන්න පුළුවන්. දැන් Open කියන එක උඩ ටච් කරන්න.

ඊටපස්සෙ මේ වගේ  WPA 2PSK කියල එකක් ඒවි. සමහර ෆෝන් වල නම වෙනස් විදියක් වෙන්නත් පුළුවන්. කොහොමහරි මේ වගේ නමක් තමයි එන්නේ.. දැන් ඒක උඩ ටච් කරන්න.

• දැන් එතන පෙන්නන password කියන එකට අවම ඉලක්කම් 8ක් හෝ වැඩි ගණනක් දෙන්න. ඊටපස්සේ Save කරන්න.

දැන් Computer එකෙන් හරි තව Phone එකකින් හරි wifi search කරල password එක ඉල්ලනකොට ඒකත් දීල සාමාන්‍ය විදිහට Internet යන්න.

Read more »

ඔයාගෙ Phone එක ඩොන්ගල් එකක් කරමු...

    අද මන් ඔයාලට කියල දෙන්න යන්නේ මාරම ගැජමැටික් එකක්. කොහොමද සල්ලි වලට වෙනම Dongle එකක් ගන්නේ නැතිව තියෙන Phone එකේ Data වලින් Computer එක හරහා Internet යන්න පුළුවන් නම්. ඇත්තටම කිව්වොත් අපි යන යන තැන ඩොන්ගල් එක ගෙනියන්නේ නෑනේ. එත් අපේ ෆෝන් එකනම් ගෙනියනවා. ඒක නිසා මේ දේ දැනගෙන ඉන්න එක ගොඩක් වටිනවා. හදිස්සියක් උනොතින්  Dongle එකක් හොය හොයා  ඉන්නේ නැතිව තියෙන Phone එක මේ විදියට Dongle එකක් කරගන්න. මේකට Data Cable එක නම් ඕනි වෙනවා. අපි බලමු කොහොමද මේ දේ කරන්නෙ කියලා.

• ඉස්සෙල්ලම Phone එකේ Settings වලට මේ විදියට යන්න.

• ඊටපස්සේ Connections යටතේ ඇති More Networks කියන එක තෝරන්න. ( ෆෝන් වර්ගය අනුව මේ දේ පොඩ්ඩක් වෙනස් වෙන්න පුළුවන් )

• දැන් Tethering & Mobile hotspot කියන එක තෝරන්න.

• ඊළඟට මෙහෙම Menu එකක් ඒවි. අපි එකේ USB Tethering කියන එක Select කරගන්න ඕනි. අපිට දැන්මම මේක තෝරගන්න බෑ. මොකද මේක Hide වෙලා තියෙන්නේ. මේක Click කරන්න පුළුවන් වෙන්නෙ අපි Data Cable එකක් මඟින් අපේ ෆෝන් එක Computer සම්බන්ධ කළාම විතරයි. එතකන් මේක Hide වෙලයි තියෙන්නේ.

• දැන් Data Cable එක ගහල Phone එකයි Computer එකයි සම්බන්ධ කරගන්න. (දන්නවනේ කරගන්න විදය. ඔය උඩින්ම තියෙන රූපේ තියෙන්නේ ඒ විදිය තමා.) ඊටපස්සේ Computer එක මඟින් Drivers එහෙම Automatically Install කරගන්නවානම් එහෙම Install  වෙන්න දෙන්න. ඊට පස්සේ හරියාකාරව Computer එකට සම්බන්ධ වුනහම  කලින් Hide වෙලා තිබුණු  USB Tethering කියන එක enable වෙලා මේ විදියට Tick එකක් දාන්න පුළුවන් විදියට පෙන්නාවි. දැන් ඒකට මේ වගේ ටික් එකක් දාගන්න.

• දැන් Phone එකේ Data මේ විදියට On කරගන්න. (කලින්ම Data On කරගෙන ඉඳල පස්සේ USB Tethering කියන එකට ටික් එක දාගත්තත් කමක් නෑ. තමන්ට කැමති විදිහක්.. )

• දැන් තමන්ට කැමති Web Browser එකක් Computer එකේ Open කරගෙන ලස්සනට Internet යන්න.

Read more »

2016 ශිෂ්‍යත්ව විභහගයේ ප්‍රතිඵල ක්ෂණිකවම Mobile Phone එකට ගෙන්නගමු...

ඔබගේ SIM පත Dialog නම් ක්ෂණිකව ප්‍රතිඵල දුරකථන තිරය මතට ගෙන්වා ගැනීම සඳහා...

EXAM <හිස්තැනක්> විභහග අංකය ඇතුලත් කොට 7777 ට යවන්න.

EXAM <Space> enter your Index Number and send it to 7777

Read more »

නිතරම කොරියන් Phone එකේ Call Cut වෙනවද? සැරින් සැරේ කියන දේ අනිත් පැත්තට ඇහෙන්නෙ නැතිව යනවද?

කොරියන් Phone  වල  එන අවුලක් තමයි නිතරම Call Cut වෙන එක .ඒ මදිවට සැරින් සැරේ කියන දේ අනිත් පැත්තට ඇහෙන්නෙ නැතිව යන එක. ඇත්තටම  ප්‍රශ්නය එන්නේ Network Connection එකෙන්. අපි බලමු කොහොමද මේ දේ හදාගන්නෙ කියලා.

• ඉස්සෙල්ලම Key Pad එක උඩ 319712358 කියන අංක ටික Type කරන්න.

•  එතකොට මේ විදියට Warning  Message එකක් අවොතින් ඒක Yes කරන්න.

• දැන් ඔබේ SAMSUNG දුරකථනයේ Model No. එක අනුව Password එක Type කරන්න.

Model No. එක අග තියෙන්නෙ S අකුර නම් ( එකියන්නේ ඔබගේ දුරකථනය Anycall එකක් නම් )  

996412 කියන Password එක Type කරන්න. උදා. SHW-M250S 

Model No. එක අග තියෙන්නෙ K  අකුර නම් ( එකියන්නේ ඔබගේ දුරකථනය Olleh එකක් නම් ) 

774632 කියන Password එක Type කරන්න. උදා. SHW-M250K  

Model No. එක අග තියෙන්නෙ L අකුර නම් ( එකියන්නේ ඔබගේ දුරකථනය LG+U එකක් නම් ) 

0821 කියන Password එක Type කරන්න. උදා. SHW-M250L  

• දැන් ලැබෙන Menu එකේ Network Setting කියන එක තෝරන්න.

• ඊටපස්සේ ලැබෙන Menu එකේ Network Mode කියන එක තෝරන්න.

• දැන් මේ විදිහට Network Frequencies පෙන්වන Menu එකකට ඒවි. බොහෝ වෙලාවට Select වෙලා තියෙන්නේ Automatic කියන එක.

• දැන් ඔය පෙන්නන List එකේ WCDMA ALL කියන එක Select කරන්න. .ඔන්න දැන් වැඩේ හරි.

දැන් කලින් වගේ  Call Cut වෙන ඒවා, සැරින් සැරේ කියන දේ අනිත් පැත්තට ඇහෙන්නෙ නැතිව යන ඒවා මොකුත් නෑ.

තව දෙයක් මතක් කරන්න ඕනි. අපි ගොඩක් Signal අඩු තැනකට ගියොතින්  විතරක්  GSM ALL කියන එකට තාවකාලිකව මාරු කරගන්න.

Read more »

Phone එක නැති උනාද? තියෙන තැනකින් හොයාගන්න බැරිද? එහෙනම් හතරවටේම දුවන්නෙ නැතිව Computer එක ලඟට දුවන්න..

මේ ලිපිය දාන්න හේතුපාදක වුනේ  ගොඩක් අය තවම මේ දේ පිළිබඳව හරියටම දැනුවත් වී නැහැ කියල පෙනුණු නිසා. ෆෝන් නැති උනාම ඒක හොයාගන්න පුළුවන් කම තියෙන්නේ නැති වුන Phone එක iPhone එකක් නම් විතරයි කියන මානසිකත්වෙන් ඉන්න අය හුඟක් ඉන්නවා. ඇත්තටම ඒක වැරදියි. Phone එක හොයාගන්න iPhone වල තියෙන්නෙ  Find My iphone කියල එකක්. Android දුරකථනයේ තියෙන්නේ, Android Device Manager කියන එකක්.. අපිට මේක භාවිතා කරල, (මේ හැමදේම කරන්න Phone එකේ Data ON කරල තියෙන්න ඕනි.)

• නැතිවුණ Phone එකේ තිරය මතට Message එකක් යවන්න. 
• Number එකක් දීල එකට Call ගන්න කියන්න. 
• Phone එකට Password එකක් දාල Lock කරන්න.
• Phone එක Ring කරවන්න. ( ළගපාතක තියෙනවනම් හොයාගන්න පුළුවන් නියම වැඩේ තමයි මේක.)
• Phone එක තියෙන්නෙ කොහෙද කියල Map එකෙන් බලන්න.
• Phone එකේ තියෙන දේවල් සදහටම අයින් කරල දාන්න. ( මේ ක්‍රමයෙන් ඉවත් කරන්න පුළුවන් Phone එකේ Inbuilt Storage එකේ දත්ත විතරයි. Micro SD Card එකේ දත්ත ඉවත් වන්නේ නෑ. )

                                           වගේ දේවල් රාශියක් කරගන්න පුළුවන්.

අපි බලමු කොහොමද මේ දේවල්  කරගන්නේ කියලා..

ඔයාල අලුතෙන් Phone එකක් ගන්නකොට ඉස්සෙල්ලම Settings >> Security වලට ගිහිල්ල Android Device Manager කියන එකට Tick එකක් දාල Active කරගන්න. 

අලුතෙන් එන ගොඩක් ෆෝන් වලට මේ Option එක එනවා. මේක ෆෝන් එකේ නැත්නම් Play Store එකට ගිහින් Android Device Manager කියන App එක Download කරගන්න.

දැන් ඔයාගෙ Computer එකෙන් Phone එකට දාල තියෙන Google Account එකට Log වෙන්න. ( අනිවර්යයෙන් Phone එකට දාල තියෙන Gmail Account එකම දෙන්න. )

දැන් Browser එකේ වෙනම Tab එකක් Open කරගෙන Google Search වලට ගිහින් Where's my phone කියල Type කරල Search කරන්න. ඊට පස්සේ මෙන්න මෙහෙම පෙන්නාවි.

බලන්න මගේ Phone එකේ Model NO. එක SHV-E210K කියල පෙන්නනවා. දැන් ඔය පේන Message එක Allow කරන්න. ඊළඟට මෙහෙම පෙන්නාවි.

මේ Ring කියන Icon එකෙන් අපේ Phone එක Ring කරවන්න පුළුවන්.

මේ Lock කියන එකෙන් අපේ Phone එකට Password එකක් දාල Lock කරවන්න පුළුවන්. ඒ වගේම Recovery Message කියන තැන අපි Type කරන Message එක Display එකේ පෙන්නනවා. Phone Number කියන තැනට ඕනි නම් ඔයාව Contact  කරගන්න පුළුවන් Number එකක් දෙන්න. ඊට පස්සේ Lock කියන එක ඔබල Lock කරගන්න. ඊටපස්සේ ඔයාගේ ෆෝන් එක මොන දිපන්කරේ තිබ්බත් Automatically Lock වෙලා ඔයා Type කරපු Message එකයි. දීපු නොම්මරේට Call ගන්න පුළුවන් Icon එකකුයි විතරක් මෙන්න මෙහෙම පෙන්නනවා. 

Erase කියන එකෙන් අපිට Phone එකේ තියෙන Data සියල්ලම මකල දාන්න පුළුවන්.  Erase කරන වෙලාවෙදි ෆෝන් එකේ Data ON කරල තිබුනොතින් එවලෙම Erase වෙනවා.එහෙම නැත්නම් Data ON කරපු වෙලාවකදි  Erase වෙලා යනවා. 

දැන් බලමු ඉන්න තැන හොයාගන්නේ කොහොමද කියලා.. ඒකට Data විතරක් ON කරල තිබීම පමණක් ප්‍රමාණවත් වෙන්නේ නෑ. එකට Location එක මේ විදිහට ON කරල තියෙන්න ඕනි.

ඊටපස්සේ Computer එකෙන් මේ පහළ පෙන්නල තියෙන Icon එක ඔබල Phone එක තියෙන තැන Search කරගන්න. 

තත්පර ගාණකින් Phone එක තියෙන තැන මේ විදිහට හරියටම පෙන්නාවි.

Read more »