ඔයාගේ Android දුරකථනය Computer එකෙන් Root කරගමු ද?

අපි ඔයාලට කලින් Post එකකදි කියල දුන්නා මතක ඇති Root කරනවා කියන්නෙ මොකක්ද? Root කිරීමේ වාසි මොනවද? අවාසි මොනවද? වගේ කරුණු කාරණා ටිකක්. Root කරන්න කලින් මෙතැනින් ඒ ටික නැවත ඉගෙනගන්න.

සැළකිය යුතුයි - මම මෙහිදී කියල දීල තියෙන අනුපිළිවෙලටම කරන්න.ඔන්න පණ්ඩිත වැඩ කරලා වැඩේ අවුල් කරගන්නනම් එපා. මේකෙදි ගොඩක් පරිස්සමින් කරන්න. මේකෙදි වරද්ද ගත්තොත් Phone එක Brick වීමේ අවධානමක් තියෙනව වගේම හොඳට දුරකථනය On වුනත් විවිධ Software දෝෂ මතුවෙන්න පුලුවන්.

• මුලින්ම iRoot Software එක (මෙතැනින් Download කරගන්න.)   
• දැන් ඒය පරිගණකයේ Install කරගන්න.

මුලින්ම Phone එකේ බැටරිය 60% ක් වත් Charge කරගෙන ඉන්න.

• දැන් phone එකේ Settings >> Developer Options >> USB debugging කියන එකට Tick එක දාගෙනඉන්න. 

Developer options කියන එක Phone එකේ තවම නැත්නම් එක මේ විදිහට හදාගන්න.
Settings >> About device >> Build number කියන එකට ගොස් Build number කියන එක උඩ හත් අට සැරයක් එක දිගට තට්ටු කර කර ඉන්න.

දැන් අපහු සැරයක් Settings වලට ගියාම කලින් හමු නොවුනු Developer options කියන එක දැන් දකින්නට ලැබේවි.

දැන් කෝකටත් කියල Phone එකේ Settings >> Security වලට ගිහිල්ලා ඒකෙ තියෙන Unknown sources කියන එකටත් Tick එකක් දාගෙන ඉන්න.

ඔන්න දැන් තමයි හරියටම වැඩේ පටන් ගන්න යන්නේ...

• මුලින්ම කොහොමද කරන්නේ කියල( මේ  Video එකත් බලලම ඉන්න.)  
• Computer එකේ Data ON කරලා තියාගන්න.
• මුලින්ම iRoot සොෆ්ට්වෙයාර් එක ඔයාලගේ පරිගණකයේ Run කරවන්න.

• ඊට පස්සෙ Root කරන්න අවශ්‍ය ඔයාගේ දුරකථනය USB Cable එක මගින් Computer එකට සම්බන්ධ කරගන්න.
• දැන් දුරකථනයේ තිරය මත මේ වගේ Message එකක් ආවොතින් ඒක OK කරන්න.

• දැන් iRoot Software එකෙන් Phone එකට අදාළ Drivers ඉබේම Download වේවි. මෙන්න මේ වගේ....

• Drivers ඔයාගේ පරිගණකයට Install උනාට පස්සෙ iRoot එක මගින් ඔයාගේ දුරකථන වර්ගය හඳුනාගනීවි . ඒ වගේම පහළ කෙලවරට වන්න Root කියල බොත්තමකුත් අලුතින් පෙන්නාවි.

• දැන් ඉතින් තියෙන්නෙ ඔය Root කියන එක ඔබල Root වෙනකම් බලන් ඉන්න එක. Root වෙන කාලසීමාව රඳාපවතින්නේ ඔයාලගේ Internet Connection එකේ Speed එක මත.
• Root උනාට පස්සෙ එක සැරයක් Automatically Restart වේවි.

( අවධානයට :- Root වෙන අතරතුරේදී ඔය USB Cable එකට Phone එකට නිකන් ඉන්න නිසා කම්මැලිකමට අනං මනං  කරන්න යන්නෙපා.. Phone එක Disconnect වෙන්න පුලුවන්. )

හරියටම Root උනාද කියල බලාගන්නේ කොහොමද?

දැන් Phone එකේ හොදට බලන්න SuperSU මේ වගේ App එකක් ලැබිල තියෙනවද කියලා..

මේ වගේ App එකක් වෙන්නත් පුලුවන්.

App එකේ හැඩය වැදගත් නෑ.. මොනවහරි SuperSU කියන App එකක් තියෙනවා කියන්නේ ඔයාගේ Phone එක Root වෙලා.

එත් නිකන් හිතට මදි වගේ නම් ... ආපහු ඔයාල අර කලින් භාවිතා කරපු iRoot කියන Software එක කලින් විදිහටම Computer එකට සම්බන්ධ කරන්න. දැන් ඔයාලගේ Phone එක Root වෙලානම් මේ විදිහට පෙන්නාවි.

පහසුම විදිහ දැන් තමයි කියල දෙන්නේ...

• යන්න Play store, ගන්න Root Checker කියන App එක.
• Play store යන්න කම්මැලියි නම් එක (මෙතනින් ගන්න.)

දැන් Root Checker කියන App එක Phone එකේ Run කරන්න. 

මේ විදිහට Superuser Request  අවොතින් ඒක මේ පෙන්නල තියෙන විදිහට Grant කරන්න.

දැන් Verify Root Status කියන එක Click කරන්න.

ඔයාලගේ දුරකථනය දැනටමත් Root වෙලා නම් මෙන්න මේ විදිහට පෙන්නාවි..

Read more »

Android දුරකථනයට තව Google ගිණුමක් එක් කරමු.

  
ඔබ කිසියම් හෝ Android දුරකථනයක් දැනටමත් භාවිතා කරන කෙනෙක් නම්, ඔබේ දුරකථනය නිසි පරිදි භාවිතා කිරීමට Google ගිණුමක් අවශ්‍ය බව ඔබ දැනටමත් දන්නා කරුණක්..
  නමුත් ඔබ දන්නවාද? ඔබේ දුරකථනයට මෙවැනි Google ගිණුම් එකකට වඩා වැඩි ගණනක් එකතුකළ හැකි බවත්, එමගින් ඔබට එක් ගිණුමකින් Gmail, තවත් ගිණුමකින් Google Calendar, තවත් ගිණුමකින් Google Drive ආදී වශයෙන්, පෞද්ගලික හා රාජකාරිමය වශයෙන් වෙන වෙනම Google ගිණුම් පවත්වාගෙන යා හැකි බව. හොඳයි.. අපි බලමු කොහොමද? නව Google ගිණුමක් එක්කරගන්නේ කියලා. ඇත්තටම මේක ගොඩක් සරලයි.

ඉස්සෙල්ලාම Settings වලට යන්න.

දැන් Accounts වලට ගොස් ඒ යටතේ ඇති Add account කියන එක තෝරන්න.

දැන් Google කියන එක තෝරන්න.

එවිට ඔබට පහත පෙනෙන ලෙස මෙවැනි විකල්ප දෙකක් ලැබේවි. ඔබ දැනටමත් අමතර Google ගිණුමකට හිමිකරුවෙක් නම්, මෙහි Existing කියන එක තෝරා ඔබගේ ගිණුමේ විද්‍යුත් ලිපිනය සහ මුර පදය ලබා දෙන්න.

ඔබට දැනට අමතර Google ගිණුමක් නොමැතිනම්, අලුතෙන් ගිණුමක් නිර්මාණය කිරීමට අවශ්‍ය නම් New කියන එක තෝරා අලුතින් ගිණුමක් නිර්මාණය කරගන්න.

Read more »

Andorid සංස්කරණයන් ගැන ඉගෙන ගනිමු

  අද මම මේ Post එකෙන් කියල දෙන්නේ ගොඩක් දෙනෙක් හොදට අහල තියෙන එත් ඒ ගැන හරියටම අවබෝධයක් නැති කාරණාවක් ගැන. අපි යාලුවොත් එක්ක ඉන්න කොට කවුරුහරි තව යාලුවෙක් Android Phone එකක් ගත්තම අනිත් අය අහනවා මොකක්ද මචන් Phone එකේ Android Version එක. එහෙම නැත්නම් Android OS එක. එතකොට යාලුවා කියනවා මචන් මට තියෙන්නෙ Jelly Bean එකක්. නැත්නම්... මට තියෙන්නෙ Android 4.1.2 Jelly Bean Version එකක් කියලා. 
  ඇත්තටම මම මේ Post එකෙන් උත්සාහ කරන්නේ දැනට නිපද වූ මෙම Android සංස්කරණයන් ගේ අනුපිළිවෙල සහ අනාගතයේ බිහිවීමට නියමිත නව සංස්කරණයන් පිලිබඳ පුරෝකථනය කිරීමේ හැකියාවක් ලබාදීමටයි.
  Android කට්ටිය එයාලගෙ අලුත් සංස්කරණයක් නම් කිරීමේදී ප්‍රධාන කාරණාවන් දෙකක් කෙරෙහි විශේෂ අවධානය යොමුකරනවා. එකක් තමයි මෙයාල අලුත් සංස්කරණයන් නම් කරන්නේ ඉංග්‍රීසි හෝඩියේ අකුරු අනුපිළිවෙලට. අනිත් එක තමයි යොදන නම ලෙස භාවිතා කරන්නේ අතුරුපස වර්ගයක නමක් හෝ Sweet ජාතියක අපේ භාෂාවෙන් කියනවනම් පැණිරස වර්ගයක නමක්.

  දැන් ඉහත රූපසටහනෙන් පේනවා නේද? අනුපිළිවෙල. අපි දැනටමත් දන්නවා KitKat වලට පස්සෙ ආවේ L අකුරෙන් පටන්ගන්න Lolipop (ලොලිපොප්) කියන සංස්කරණය.

ඊට පසුව අවේ M අකුරෙන් පටන් ගන්න Marshmalow (මාර්ෂ්මෙලෝ) කියන නව සංස්කරණය.

  දැන් ඔයාලට හිතාගන්න පුලුවන් නේද? ඊළඟට බිහිවෙන නව සංස්කරණය පටන් ගන්නෙ මොන අකුරෙන්ද කියලා. අන්න හරි.. N අකුරෙන් පටන් ගන්න නමක් තමයි එන්නේ.

දැන් ඒ කතාව හරි. මම තව පොඩි දෙයක් කියල දෙන්නම්. ඉස්සෙල්ලාම පහළ තියෙන රූපසටහන හොඳට බලලා ඉන්න.

හොඳට බලන්න Jelly Bean 4.1.X කියල තියෙනවා. KitKat 4.4.X කියල තියෙනවා ඇත්තටම මොනවද මේවා. මේව තමයි දීල තියෙන Android සංස්කරණයේ යාවත්කාලීනවීම් සිදුවන පරාසය. Jelly Bean වල 4.1 වල සිට 4.3 දක්වා Updates නිකුත් වෙනවා. ඊට පසුව පටන් ගන්න 4.4. Updates නිකුත්වන්නේ KitKat කියන සංස්කරණය සඳහා. දැන් කවුරු හරි කෙනෙක් කිව්වොත් මචන් මට තියෙන්නේ 4.1.2 එකක් කියලා,අපි දන්නවා දැන් කියන්න ඒක Jelly Bean එකක් කියලා.

කොහොමද Phone එකේ Android සංස්කරණය හොයාගන්නේ..

Setting >> More >> About Device වලට ගිහින් හොයාගන්න පුලුවන්.

About device කියන එක උඩ Touch කරාම මේ පහළ රූපයේ තියෙන විදිහට පෙන්නනවා. එකෙන් බලාගන්න පුලුවන් මොකක්ද Version එක කියලා.

ඔය Android Version කියන එක උඩ එක දිගට හය හත් සැරයක් Touch කර කර ඉන්නකොට අපිට එයාලගේ Logo එකත් මේ විදිහට බලාගන්න පුලුවන්.

Read more »

මොනවද? මේ Kernal (කර්නල්)

ඔබ ඔබේ Android දුරකථනයට අලුතින් දේවල් එකතු කරන්න හැමවිටම උත්සාහ කරන කෙනෙක්නම් ඔබ නිතැතින්ම කර්නල් කියන වචනය අහල ඇති. ඇත්තටම මේ කර්නල් කියන එක Android  වලට විතරක් සීමාවූ එකක් නෙවෙයි. IOS සහ MacOS වලට, Windows වලට, BlackBerry වල QNX වලට වෙන වෙනම Kernal තියෙනවා.මෙන්න මේ වගේ ඉහළ පෙළේ Operating Systems වලට Kernal භාවිතා වෙනවා.මේ අතරින් Linux මත පදනම් වූ Kernal එකක් තමයි Android සඳහා භාවිතා කරන්නේ. මෙම Kernal ලියනු ලබන්නේ දුරකථනයේ ඇති Hardware වලට අනුව නිසා එකම වෙළඳ නාමය යටතේ නිෂ්පාදනය කරන දුරකථනවල පවා දුරකථනයේ Model No. එක අනුව මෙම kernal එක එකිනෙකට වෙනස් වෙනවා. ඒ කියන්නේ එක් දුරකථනයකට ලියූ Kernal එකක් තවත් දුරකථනයක් සමඟ වැඩ කරන්නෙ නෑ. අපි බාහිරව අපේ දුරකථනයට අලුතෙන් Kernal එකක් හෙවත් Custom Kernal එකක් ඇතුලත් කරනවනම් දුරකථනයේ Model No. එකට ගැළපෙනම Kernal එක තෝරා ගත යුතුයි. නැත්නම් ඉතින් Flash කලාට පස්සෙ දුරකථනය On වෙන්නෙ නැතිවෙයි, Bootloop වෙයි, දුරකථනය ඔන් උනත් Camera On වෙන්නෙ නැති වෙයි. දුරකතනයේ Speakers ඇහෙන්නේ නැතිව යයි. මේ වගේ විවිධ ලෙඩ ඒවි.

ඇත්තටම Kernal එකෙන් වෙන්නෙ මොනවද?

මේ Kernal එක අපේ දුරකථනයට අත්‍යවශ්‍ය අංගයක්. දුරකථනයේ Software එකෙන් දෙන විධානයක් මඟින් Hardware කොටසක් ක්‍රියාත්මක කරගැනීමට අවශ්‍ය ඉල්ලීම මුලින්ම Software එකෙන් යන්නේ Kernal එකට. ඊට පස්සෙ Kernal එක Hardware කොටසට කියල ලස්සනට ඒ වැඩේ කරල දෙනවා. 
තේරුනේ නෑ නේද?
  මෙහෙමෙ හිතන්න. ඔයා ඔයාගේ Phone එකේ Bluetooth On කරන බොත්තම එබුව කියලා. එතකොට ඔයා Touch කරපු තැන හරියටම ඔයාගේ දුරකථනයේ තියෙන Software එකෙන් දැනගන්නවා. ඊට පස්සෙ Software එක Kernal එකට කියනවා. එතකොට Kernal එක හරියටම ඒ පණිවිඩය හඳුනාගෙන Hardware කොටසෙ ඇති Bluetooth IC එක On කරල අපිට Bluetooth පහසුකම ක්‍රියාත්මක කරලා දෙනවා.
අපි තව එකක් ගනිමු. ඔයාට ඕනි වෙනවා ඔයාගේ Phone එකේ Brightness අඩු හෝ වැඩි කරගන්න. දැන් ඔයා Brightness අඩු හෝ වැඩි කරනකොට ඔයාගේ Phone එකේ Software එක දැනගන්නවා ඔයා හරියටම කලේ මෙන්න මේ දේ කියලා.. දැන් එයා Kernal එකට කියනවා. Kernal එක මඟින් දුරකථනයේ Display එකට එන විදුලි ධාරාව අඩුවැඩි කරීමට අදාල දෘඩාංග කොටස් හෙවත් Hardware කොටස් (Processer, LED Driver IC අදිය) ක්‍රියාත්මක කරවලා,අපිට අවශ්‍ය විදිහට Brightness එක අඩු වැඩි කරලා දෙනවා.
  දැන් ඉතින් කෙටියෙන්ම කිව්වොත් Kernal එකක් කියන්නේ දුරකථනයේ Software සහ Hardware එකිනෙකට සම්බන්ධ කරන අතරමැදි වැඩසටහනක් කියල ඔයාලට තේරෙනවා ඇති. දැන් පහළින් තියෙන රූපයත් හොඳින් බලන්න. දැන් තවත් පැහැදිළි වෙයි. ඇත්තටම මේක ලොකු කතාවක් මේ සරලව පැහැදිළි කලේ.

Read more »

මොනවද? මේ Stock Rom සහ Custom Rom කියන්නේ...

Stock Rom කියන්නේ මොනවද?

  සරලවම කියනවනම් Rom එකක් කියල මෙතන අදහස් කරන්නේ Android OS එක නොහොත් Android මෙහෙයුම් පද්ධතිය. දුරකථන සමාගමකින් දුරකථනයක් නිෂ්පාදනයේදී එයට ඇතුලත් කර එවන මෙහෙයුම් පද්ධතියට තමයි අපි Stock Rom එක කියල කියන්නේ. එකියන්නේ ඔයාල කඩෙන් අරන් දැනට භාවිතා කරන ඔය දුරකථනයෙත් තියෙන්නෙ Stock Rom එකක්. 

  අපි දුරකථනයක් කඩෙන් අරන් ටික කාලයක් යනකොට දුරකථන සමාගම් වලින් අපිට විවිධ සංස්කරණයන් යාවත්කාලීනවීම් නොහොත් Updates ලෙස එවනවා.අපි හිතමු කඩෙන් ගන්නකොට අපේ දුරකථනයේ තිබුනේ 4.4.2 කියන KitKat සංස්කරණය කියලා. ඊට පසුව අපිට 4.4.4. කියන KitKat සංස්කරණය යාවත්කාලීන වීමක් ලෙස  ලැබෙන්න පුලුවන්. එසේත් නොමැතිනම් 5.0.1 වගේ අලුතින්ම Lolipop කියන සංස්කරණය ලැබෙන්නත් පුලුවන්. 

  මේ එවන යාවත්කාලීන වීම් සමහරවිට රටින් රටට වෙනස් වෙනවා. එක රටකට kitkat සංස්කරණයන් ලැබෙන අතරතුර තවත් රටකට තවමත් ලැබිල තියෙන්නෙ Jelly Bean සංස්කරණයන් පමණක් වෙන්න පුලුවන්. දුරකථන සමාගම් විසින් මේ විදිහට එවන Updates වලට අපි කියන්නේ FOTA ( Firmware Over The Air ) Updates කියලා. එහෙම නැත්නම් කෙටියෙන් OTA ( Over The Air ) Updates කියලත් කියනවා.

Custom Rom කියන්නේ මොනවද?

  Custom Rom එකක් කියන්නේ දුරකථන සමාගම් විසින් නිර්මාණය නොකරන, Android Developers ලා විසින් නිර්මාණය කරනු ලබන OS වලට. සාමාන්‍යයෙන් මොවුන් මෙම  OS නිර්මාණය කරනු ලබන්නේ ලාබ ඉපයීමේ කිසිදු පරමාර්ථයකින් නෙවෙයි.

කිසියම් පුද්ගලයකු Custom Rom එකක් භාවිතාකිරීමට පෙළඹීමට විවිධ හේතු තියෙනවා අපි බලමු මොනවද මේ හේතු කියලා. 

• කෙනෙක් කඩෙන් Phone එකක් ගත්තම ටික දවසක් යනකොට එකෙන් වැඩකරන්න එපා වෙනවා. Phone එක Slow වෙනවා, රත් වෙනවා, ඉක්මනටම බැටරි බහිනවා. ඒවගේම අපිට කිසිදු ප්‍රයෝජනයක් නැති ගොඩක් Apps මේකට යොදල තියෙනවා. මේවගේ හේතු නිසා කෙනෙක් Custom Rom එකක් දාගන්න යොමුවෙනවා.
• තව සමහර අයට Phone එකට දැනට ලැබිල නොමැති විවිධ නව පහසුකම් අත්විඳීමේ අදහසින් Phone එකට Custom Rom එකක් Flash කරගන්නවා.
• මේ අතරෙ ඉතින් තවත් කෙනෙක්  අනිත් කෙනා Custom Rom එකක් දාගෙන ඉන්න නිසා එයත් දාගන්නවා.

  අපි අලුතෙන් Custom Rom එකක් දාගන්න යනකොට ඒ ගැන ලොකු හැදෑරීමක් කරන්න වෙනවා. නැත්නම් ඉතින් අල්ලපු අත්තත් නෑ. පය ගහපු අත්තත් නෑ. සමහර වෙලාවට Phone එක On වෙන්නෙ නැතිව යයි. නැත්නම් Bootloop වෙයි. On උනත් කැමරාව වැඩ නෑ,Data On කරන්න බෑ. Bluetooth On වෙන්නෙ නෑ. වගේ එක එක දෝෂ ඒවි. මේ වගේ දෝෂ තියෙනවට තමයි  Bugs තියෙනවා කියල කියන්නේ. ඒක නිසා Custom Rom එකක් දාගන්න කලින් ඒ Rom එක Phone එකට හරියටම ගැළපෙනවද, මේක Bugs තියෙන Rom එකක්ද, මේ Rom එක නිවැරදිව Flash කරන අනුපිළිවෙල මොකක්ද? මේ වගේ හේතුකාරණා රාශියක් ගැන හොඳට දැනුවත්වීම අවශ්‍ය වෙනවා.

Custom Rom නිවැරදිව Flash කරගන්න හැටි ඉදිරිකාලයේදී Post එකකින් කියල දෙනවා.

Read more »

Bootloader කියන්නේ මොනවද?

දුරකථනයක් ක්‍රියාත්මක විමේදී Hardware හෙවත් දෘඩාංග අරම්භකිරීම, OS එකේ හෙවත් මෙහෙයුම් පද්ධතියේ ස්ථායි බව සහතික කිරීම, මෙහෙයුම් පද්ධතිය අරක්ෂාකාරීව ආරම්භ කිරීම වගේ කරුණු කාරණා  රාශියකට මේ Bootloader කියන එක වැදගත් වෙනවා.
    Bootloader එකක් කියන්නේ මෙහෙයුම් පදධතියක් අරම්භවීමට පෙර දුරකථනය තුළ ක්‍රියාත්මක වන වැඩසටහනක්. මෙය දුරකථන වල වගේම පරිඝණක වලත් අන්තර්ගත වෙනවා. මෙහි කාර්යභාරය වන්නේ මෙහෙයුම් පද්ධතිය කර්නලය වෙත Boot කිරීමයි.

 Bootloader වැඩසටහනක් දුරකථනයෙන් දුරකථනයට වෙනස් වෙනවද?

    ඇත්තටම ඔව්. දුරකථනයේ ඇති Hardware පහසුකම මත මෙම මෙම Bootloader වැඩසටහන් එකින් එකට වෙනස් වෙනවා. ඒ කියන්නේ එක් Processor එකකට ලියපු Bootloader වැඩසටහනක් තවත් Processor එකකට වැඩකරන්නේ නෑ. මෙන්න මේ ගැටලුව නිසා තමයි Android Developers ලට එක් එක් Phone Models සඳහා වෙන වෙනම  Bootloader වැඩසටහන් නිර්මාණය කිරීමට සිදුවී තියෙන්නෙ. නමුත් Apple දුරකථන වල දී ඒවායේ Phone Models අතර විශාල ලෙස  Hardware වෙනස්කම් සිදුකරලා නැති නිසා නව මෙහෙයුම් පදධතියක් පවා 3GS වැනි දුරකථනයකට ස්ථාපනය කර ගැනීමේ හැකියාවක් තියෙනවා.

බොහෝ දුරකථන වල Bootloader  එක Lock කර ඇත්තෙ ඇයි?

ඇත්තටම මෙහි මූලික අරමුණ වන්නේ දුරකථන භාවිතාකරන ඔවුන්ගේ පාරිභෝගිකයින් විසින් නොදනුවත්කමින් සිදුකරනු ලබන විවිධ වෙනස්කම් හේතුවෙන් මෙහෙයුම් පද්ධතියේ ස්ථාවරත්වය බිඳවැටීම වැළැක්වීම හා දුරකථන නිෂ්පාදකයා විසින් ඇතුලත් කර ඇති මෙහෙයුම් පද්ධතියට අමතරව වෙනත්  මෙහෙයුම් පද්ධතියක් දුරකථනයට ස්ථාපනය කිරීම වළැක්වීමයි.
නමුත් Samsung සමාගම විසින්  Bootloader එක Unlock කර ඔවුන්ගේ බොහෝ දුරකථන වෙළඳපොළට නිකුත් කරනවා.

 Bootloader එක Unlock කිරීමට පෙර දැනගතයුත්තේ මොනවාද?

මෙය සිදුකිරීමේදී දුරකථනය Brick වීම හෙවත් අක්‍රිය විමේ නැඹුරුවක් පවතින නිසා ඉතා කලපනකාරිව මෙය සිදුකරගත යුතුයි. එසේම දුරකථන සමගම විසින් දෙන  ලද වගකීම අවලංගු වෙනවා.
     දුරකථනය Root කිරීමට Bootloader Unlock කිරීම අනිවාර්ය නොවුනත්, Custom Rom එකක්, Custom කර්නල් එකක් දැමීමට Bootloader Unlock කිරීම අත්‍යවශ්‍ය වෙනවා.
    Bootloader Unlock කිරීමේදී දුරකථනයේ බාහිර මතක ගබඩාවේ ඇති දත්තයන් මැකියාමක් සිදු නොවන අතර අභ්‍යන්තර මතකයේ ඇති දත්තයන් පමණක් මකියාමේ අවදානමක් පවතිනවා.

Bootloader Unlock කරගන්නේ කොහොමද?

මේ සඳහා දුරකථන සමාගම් විසින් ඉදිරිපත්කර ඇති නිල Web Sites භාවිතා කළ හැකි අතර, විවිධ Software Tools භාවිතාකිරිමෙන්ද මේ දේ සිදුකරගත හැකියි.
මේ සඳහා භාවිතාකලහැකි Web Sites කිහිපයක් පහතින් ඉදිරිපත්කර ඇත.

Sony දුරකථන සඳහා 
HTC දුරකථන සඳහා
Huawei දුරකථන සඳහා

Sony සහ HTC දුරකථන සඳහා

Read more »

මොනවද මේ රූට් කරනවා කියන්නේ...

කෙටියෙන්ම කිව්වොත් Root කරනවා කියන්නේ දුරකථනයේ සියලුම පාලන ක්‍රියා තමන්ගේ යටතට ගැනීම. ඒක ටිකක් අපැහැදිළි නම් මෙහෙම කියන්නම්. ඔයාල Internet Cafe වලට එහෙම ගිහින් ඇතිනේ, හොදට බැලුවනම් ඔයාලට පෙනෙයි ඒ Computers වල පොඩි අමුත්තක්.. ඒ Computers වල තියෙන්නෙ  Guest Account එකක් නිසා දාල තියෙන වැඩසටහන් වලින් එක්තරා සීමාවක් ඇතුලෙ වැඩ කරනවා මිසක් වෙන කිසිම Account එකක් එකතුකරන්න තියෙන Account එකක් අයින් කරන්න වගේ කිසිම දෙයක් කරන්න බැහැ. එත් අපි පාවිච්චිකරන ගෙදර Computer එක එහෙම නැනේ. Account එකක් එකතුකරන්න, අයින් කරන්න ඕන දෙයක් ඕනවෙලාවක සිමාවක් නැතිව කරගන්න පුලුවන්. මොකද එකෙ භාවිතා කරන්නෙ Administer Account එකක් නිසා. මේ සංකල්පයමයි Android දුරකථන වලත් තියෙන්නේ. Computer එකක Administer බලතල ලැබුනම ඕනි දෙයක් කරන්න පුළුවන් වගේ දුරකථනයක Super User  බලතල ලැබුනම ඕන දෙයක් කරන්න පුළුවන්.
දැන් පැහැදිළියි නේ.. Root කරනවා කියන්නේ Guest කියන  තත්වයෙන් මිදිලා Administer කියන තත්වයට දුරකථනය පත් කරගන්න එක. නමුත් දුරකථන වලදි භාවිතා වෙන්නෙ Administer බලතල කියන වචනය වෙනුවට Super User බලතල කියන වචනය.


Root කලාම මොනවද කරන්න පුලුවන්...


එකී මෙකී නොකී සෑම දෙයක්ම කරන්න පුළුවන්. පහළින් අපිට ලැබෙන වාසි කිහිපයක් විතරක් පෙළගස්වන්නම්.

• දුරකථනයේ සිංහල පෙනෙන්නේ නැත්නම් සිංහල පෙනෙන විදිහට හදාගන්න පුලුවන්.
• Custom Rom දාගන්න පුලුවන්.
• අනවශ්‍ය Apps නොහොත් Bloatware Apps ඉවත් කරන්න පුලුවන්.
• Titanium Backup වගේ Application එකකින් දුරකථනය ගැඹුරින්ම Backup කරගන්න පුලුවන්.
• System Files කැමති විදිහට Edit කරගන්න පුලුවන්.    

උදාහරණයක් :- ගොඩක් අයට තියෙන ගැටලුවක් තමයි කාලයක් යනකොට Play Store එකට යන්න බෑ. පහළින් පෙන්නල තියෙනවා වගේ Error එකක් එනවා.

 Root නැති දුරකථනයකින් මේක හදාගන්න අපිට කරන්න පුලුවන් වෙන්නෙ Phone එකේ Date සහ Time සැකසීම, Clear Cache කිරීම එහෙම බැරිඋනොත් Hard Reset කිරීම වගේ වැඩ ටිකක්. හැම තිස්සෙම Hard Reset කර කර ඉන්නත් බෑනේ. මේ කිසිම දෙයකින් හදාගන්න බැරිඋනොත් ස්ථීරවම හදාගන්න පුලුවන් System File වල තියෙන Host File එක Delete කිරීමෙන්  හෝ Edit කිරීමෙන්. මේ Host File එක දකින්න පුලුවන් Root කරපු Phone වල විතරයි. මේ පහල රුපයෙන් ඒ Host File එක පෙන්නල තියෙනවා. දැන් ඉතින් තේරෙනවනේ තියෙන වාසි.

Root කලාම මොනවද තියෙන අවාසි...

ඕනිම දෙයක වාසි වගේම අවාසිත් තියෙනවා. අපි ගෙදරට පිහියක් ගෙනියන්නේ එළවළු කපන්න කොටන්න. එත් ඒ පිහිය මළකඩ කනව කියල, ඒකට අත කැපෙනවා කියල අපි පිහිය නොගෙන ඉන්නෙ නෑනේ. මොකද අවාසි පොඩ්ඩක් තිබුනට ලැබෙන වැසි ගොඩක් තියෙන නිසා අපි ඒක ගන්නවා. මේකත් ඉතින් ඒවගේ තමයි.මොනවද අප්පේ ඉතින් මෙච්චරටම මේ කියන අවාසි.

• අපේ දුරකතනයට ඔය One Years, Two Years කියල දෙන Company Warranty එක අවලංගු වෙනවා. ( මේකට ඉතින් ඕනි නම් වගකීම් කාල සිමාව ඉවර උනාම Root කරගන්න පුලුවන් )

•  ගොඩක් වෙලාවට අපිට ලැබෙන Official Updates එහෙම Phone එකට එන්නෙ නැතිවෙනවා  

• තව ඉතින් ඔය ලොකු ලොකු වෛරස් එකක් එහෙම ආවොත් පහසුවෙන්ම දුරකථනය ඊට ගොදුරුවීමේ නැඹුරුවක් තියෙනවා.

හොදට මතක තියාගන්න දුරකථනයක් Root කරනව වගේම පහසුවෙන්ම Unroot කරගන්නත් පුලුවන්.. 

Read more »

කරදරකාරී Ad ටික බ්ලොක් කරමු.

අපි Phone එකට දාගන්න නොමිලේ දෙන සමහර Apps වලින් වැඩ කරනකොට එහෙන් මෙහෙන් ඇඩ් කෑලි පෙන්නනවා ඔයාල දැකල ඇති. සමහර වෙලාවට මේක මහ කරදරයක්, මේ වදේ නිසාම දාගත්තු ඇප් එක කොපමණ ප්‍රයෝජනවත් උනත් ඒ ඇප් එක දුරකතනයෙන් සදහටම අයින් කරගත්තු අවස්ථාවන් ඕන තරම් ඇති. මොකද අපිට එයාල ඇප් එක නිකන් දුන්නට ඒ අය සල්ලි හොයන්නෙ මේ වැටෙන ඇඩ් වලින්. එයාලට සල්ලි ලැබුනට මේ වැටෙන ඇඩ්වලට අපිට අපේ Data සුලුවෙන් හෝ කැපෙන නිසා අපිට වෙන්නෙ අනවශ්‍ය විදිහට අපේ සල්ලි නාස්තිවෙන එක.මෙන්න මේ කරදර වලට තියෙන හොඳම විසඳුම තමයි මෙන්න මේ AdAway කියන App එක.මෙතනදී වෙන්නෙ ඔක්කොම Link ටික එකතුකරලා Host File එකකට ඇතුලත් කරන එක. අපිට මේ වැඩේ සාර්ථකව කරගන්න අපේ දුරකථනය Root කරලා තියෙන්න ඕනි.

මුලින් AdAway App එක (මෙතැනින් ගන්න) 

Install කරගත්තම මේ විදිහට පෙන්නාවි.

දැන් Data ඔන් කරගෙන Open කරගත්තම පහල රූපයේ විදියට පෙන්නනයි. ඔය නිල්පාටින් වැටිල තියෙන විදිහට Update එකක් ඇවිත් තිබුනොත් විතරක් මුලින්ම ඒක Update කරගෙන ඉන්න. දැන් රතු පාටින් රවුම් කරලා තියෙන Download files and apply ad blocking කියන එක උඩ ටච් කරන්න.

දැන් මේ විදිහට hosts files ටික Download වෙනවා පෙන්නයි. 

ඊට පස්සෙ Reboot පාරක් දාගන්න. දැන් ඉතින් ගොඩ. 

Read more »

සිංහල නැති ඕනෑම Android ෆෝන් එකට සිංහල දමමු.

ඇන්ඩ්රොයිඩ් දුරකතනයක සිංහල ස්ථාපනය කිරීම ආකාර කිහිපයකට සිදුකළ හැකිය. මෙම ක්‍රමය  අතිශයින්ම  සාර්ථක ක්‍රමයකි.

හැබැයි මේක කරනකොට කල්පනාවෙන්ම කරන්න. මොකද? දැන ගියොත් කතරගම නොදැන ගියොත් අතර මග කියනවනේ..

අවශ්‍ය කරන දේවල් 

• මේ සඳහා ඔබේ දුරකතනය පළමුව Root කර තිබිය යුතුය.                                                                                                                (මේ විඩ්යෝ එක බලන්න)
• Root Explore ඇප් එක  (මෙතනින් ගන්න)

                                

• Iskpota.ttf හෝ Iskoola Pota.ttf ෆොන්ට් එක  (මෙතනින් ගන්න)

පළමුවෙන්ම Iskpota.ttf ෆොන්ට් එක DroidSansFallback.ttf ලෙස Rename කරගන්න.

ඊට පසුව ස්ථාපනය කරගත් Root Explore ඇප් එක ආධාරයෙන් ROOT / System/ Fonts වලට ගොස් අපි කලින් Rename කරගත් Font එක Replace කරගන්න. 
මතක ඇතිව පහත රූපසටහනේ ඉහළින්ම ඇති Mount R/W එක මත ටැප් කර Mount R/O ලෙස සකසා ගන්න.

    

දැන් Paste කරගත්ත DroidSansFallback ෆොන්ට් එක මත තත්පර කිහිපයක් ඔබාගෙන සිටින්න (Long Press) එවිට එන Menu එකේ Permissions කියන එකට ගිහින් පහත පරිදි Permissions හදාගෙන OK කරන්න.

ඊට පස්සෙ Restart පාරක් දාල සිංහල අකුරු තියෙන Website එකකට ගිහින් බලන්න.
මගේ නම් මේ තියෙන්නේ එළකිරි වගේ ...

Read more »