කියවන නවකතා වෙනුවට අහන නවකතා..

සුප්‍රසිද්ධ නවකතා කතුවරයකු වන සුජීව ප්‍රසන්න ආරච්චි මහත්මයා භාෂා ලංකා ආයතනයත් සමඟ එකතු වී Smart Phone සඳහා නිෂ්පාදනය කල නවතම වැඩසටහන තමයි මේ කෝමල් කියන ඇප් එක. මේක තමයි ලංකාවේ ප්‍රථම Audio Book App එක හෙවත් ප්‍රථම නවකතා ශ්‍රවණ යෙදුම. මෙම ඇප් එක භාවිතයෙන් ඔබට දැන් නවකතා කියවනව වෙනුවට නවකතා අහගෙන ඉන්න පුලුවන්. මමත් මේ App ප්‍රයෝගිකව භාවිතා කලා. ඇත්තටම මේක පුදුම ලස්සන වැඩසටහනක්. ඔයාලත් මේකෙ අත්දැකීම මොහොතක් හරි විඳගන්න කියල මම ආරාධනා කරනවා. මෙම ඇප් ඒකේ විශේෂ ලක්ෂණ කිහිපයක් තියෙනවා. අපිට නවකතාවක් Download කර ගැනීමට පෙර අපිට එහි එක Chapter එකක් Trailer Clip එකක් විදිහට අහන්න අවස්ථාව සලසා දෙනවා. අපිට එකෙන් එක Chapter එකක් නොමිලේ අහන්න පුලුවන්. අපි ඒකට කැමති නම් පමණක් අපිට සම්පුර්ණ නවකතාවම Download කරගෙන අහන්න පුලුවන්. අනිත් කාරණය තමයි. අපි මේ නවකතාව Download කරගත්තට අවශ්‍ය වෙලාවට Player එකකින් අහනවා වගේ මුල ඉඳන් අහන්න පුලුවන්. නැත්නම් කැමති Chapter එකක ඉඳන් Play කරන්න පුලුවන්. මේ ඇප් එක Update කිරීම මඟින් ඔබට අලුත් නවකතා එක්කරගන්න පුලුවන්.

කෝමල් ඇප් එක මෙතැනින් Download කරගන්න.

අපි බලමු මේ ඇප් එකෙන් නවකතාවක් Download කරගන්නෙ කොහොමද? කියලා.

අපිට කැමති නවකතාවක් තෝරාගෙන එය මිලදී ගැනීමට පෙර Listen Trailer කියන එක ටච් කිරීමෙන් එම නවකතාවේ එක පරිච්ඡේදයක් Trailer Clip එකක් විදිහට අහන්න පුලුවන්.

Buy Now කියන එක තේරීමෙන් පසුව ඔබට පහත පරිදි අලුත් Window එකක් Open වෙනවා. මෙහිදී ඔබ ගෙවීම් කටයුතු කරන්නෙ Credit Card එකෙන්ද? නැතහොත් ඔබගේ Dialog පෙර ගෙවුම්/ පසු ගෙවුම් සම්බන්ධතවයෙන්ද යන්න තීරණය කරන්න පුලුවන්. මම මෙහිදී තෝරාගන්නේ මගේ Mobile Bill එක.

ඔබට Dialog දුරකථනයක් ඇත්නම් එහි අංකය හෝ ඔබ Dialog පාරිභෝගිකයකු නොවේනම් ඔබගේ මිතුරකුගේ දුරකථන අංකය මෙතැනට ඇතුලත් කරන්න පුලුවන්. (පොතේ මිලට සමාන හෝ වැඩිපුර ගිණුම් ශේෂයක් ඔබේ දුරකථනයේ හෝ මිතුරාගේ දුරකථනයේ පැවතිය යුතුයි.)

දැන් ඔබ සඳහන් කල දුරකථන අංකය සහිත දුරකථනයේ Text Message Box එකට මේ විදිහට PIN අංකයක් ලැබෙනවා.

එම PIN අංකය පහත Message Box එකේ Type කරල Done කියන එක ටච් කරන්න.

දැන් ඔබට පහත පෙන්වල තියෙන විදිහට කැමති පරිච්ඡේදයක් කැමති විටෙක හෝ  පරිච්ඡේද සියල්ල එකවර Download කරගන්න පුලුවන්. අහල ඉවරවෙලා අනවශ්‍ය නම් Delete කරගන්න පුලුවන්. (ඔබ මෙහි  පරිච්ඡේද සියල්ල Delete කලද  ඔබ මිලදී ගත් නවකතාව නැවත ඔබට මිලදී ගැනීමට අවශ්‍ය වන්නේ නැහැ.)

දැන් ඔබ මිලදී ගත් නවකතා සියල්ල අනෙක් නවකතා වලින් වෙන්කර මිළදී ගත් නවකතා යනුවෙන් වෙනම කොටසක පෙන්වනවා.

දැන් ඔබ මිලදී ගත් නවකතාව තෝරාගැනීමෙන් Play Now කියන එක තේරීම මඟින් ඔබ Download කරගත් Chapters සියල්ල එකවර ධාවනය කළහැකි මෙන්ම Show Chapters යන්න තේරීම මඟින් ඇසීමට අවශ්‍ය  පරිච්ඡේදය පමණක් තෝරාගත හැකියි.

Read more »

අලුත්ම Android OS එක ඕරියෝ ( Oreo 8.0)

මොකද අලුත්ම  Android 8.0 OS එකට Oreo කියල කියන්නේ?

Google සමාගම තම Android Operating  Systems හැම මොහතකම නම් කරන්නෙ ඉංග්‍රීසි හෝඩියේ අකුරු අනුපිළිවෙලට සහ පැණි රස කෑමක ( Sweet treats ) නමින්. ඉතින් ඔවුන් මේදා තෝරාගෙන තියෙන්නෙ ප්‍රසිද්ධ බිස්කට් එකක් වන ඕරියෝ කියන බිස්කට් එක.

Android OS නම් කරන හැටි වැඩිදුර ඉගෙනගන්න මෙතැනින් යන්න.

කවදද මේක නිකුත් කලේ?

Google සමාගම තම අලුත්ම android os එකේ beta version එක 2017 මාර්තු මාසයේ ඉදිරිපත් කලා. ඔවුන් මේක විශේෂයෙන් ඉදිරිපත් කරන්නෙ Apps Develop කරන අයට තමන්ගේ Apps අලුත්ම OS එකට ගැලපෙන ආකාරයට Develop කරගැනීම සඳහායි.
2017 අගෝස්තු 21 වන දින Google සමාගම නිළ වශයෙන් තම අලුත්ම Android OS එක වන Oreo (ඕරියෝ) ප්‍රසිද්ධ කලා.

කවදද මේක Phone වලට එන්නේ?

දුරකථන සමාගම් පවසන ආකාරයට කලින් තිබුන Android OS එක වන Nougat එක පවා තවමත් ලැබී ඇත්තේ Android පරිශීලකයින්ගෙන් 15%ක ප්‍රතිශතයකට පමණයි. එම නිසා Google සමාගම එය සැලකිල්ලට අරගෙන වෙනදට වඩා කාර්යක්‍ෂමව මෙය නිකුත් කිරීමට බලාපොරොත්තුවෙන් සිටිනවා. කොහොම උනත් මෙම අලුත් OS එක මුලින්ම ලබාදෙන්නේ Google සමාගම විසින් නිකුත් කරන දුරකථන 2ක් වන Google Pixel හා Google Nexus කියන දුරකථන මාදිලි දෙකට පමණයි. නමුත් හැකි ඉක්මනින් අනෙක් දුරකථන සමාගම් වලටත් මෙය නිකුත් කරන්න ඔවුන් බලාපොරොත්තුවෙන් සිටිනවා.

මොනවද මේ Android Oreo එකට එන අලුත් විශේෂාංග ( Features ) 

• අනෙක් දුරකතනවලට වඩා දෙගුණයක වේගයෙන් boot up වීමේ හැකියාව.
• Background App activities අවම කිරීම.
• Picture-in-Picture පහසුකම මඟින් App දෙකක් එකවර නැරඹීමේ පහසුකම. ( multi-windowing mode )
• Notification dots මඟින් අලුතෙන් පැමිණි notification පෙන්වීම සහ Screen එක Swiped off කිරීමේ හැකියාව.
• Android Instant ඇප්ස් Install කිරීමකින් තොරව ඔබගේ Browser එකෙන්ම Launch කිරීමේ හැකියාව.
• Google Play Protect මඟින් Apps Scan කර ඔබගේ Device එක හා දත්ත ආරක්ෂා කිරීම.
• Battery Life එක වැඩිදියුණු කර තිබීම.
• අලුත් emoji වර්ග 60කට අධික ප්‍රමාණයක් ඉදිරිපත් කිර තිබීම.

මිට අමතරව තවත් බොහොමයක් පහසුකම් ඔබට මේ අලුත් Android Oreo OS එක හරහා අත්විඳින්න පුලුවන්.

Android 8.0 Oreo පිළිබඳව සියලුම දෑ දැනගැනීම සඳහා මෙතැනින් යන්න.

Android 8.0 Oreo Video review එක පහළින් බලන්න.

Read more »

ගෙදර TV එක, AC එක ෆෝන් එකෙන් Control කරමුද?

 අද මම කියල දෙන්න යන්නේ ගෙදර තියෙන AC එක, TV එක, DVD Player එක, Projector එක වගේ එකී මෙකී නොකී බොහොමයක් උපාංගයන් පාලනය කරන Remote Controller එකක් විදිහට ඔයාගෙ ස්මාර්ට් ෆෝන් එක සකසගන්නේ කොහොමද කියලා. මේ සඳහා අපිට අපේ ෆෝන් එකේ IR Sensor එකක් තිබිය යුතු වෙනවා. මේක පොඩි LED එකක්. නමුත් බොහොමයක් දුරකතනවල මෙම IR Sensor එක පිහිටන්නේ නැහැ.

එතකොට මොනවගේ ෆෝන් වලටද මේ IR Sensor එක built-in විදිහට එන්නේ.

මෑත කාලයේ ජනප්‍රිය උන බොහොමයක් දුරකථන IR sensor එක සහිතවම නිපදවපු ඒවා. මම පහතින් එවැනි දුරකථන කිහිපයක් ඉදිරිපත් කරන්නම්..-

SAMSUNG GALAXY S4, SAMSUNG GALAXY S5, SAMSUNG GALAXY S6, SAMSUNG GALAXY S6 Edge, SAMSUNG GALAXY Note 3, SAMSUNG GALAXY Note 4,   

Huawei Honor 8, Huawei Honor 8 Pro, Huawei Honor 9, Huawei Mate 9, Huawei P9 Plus,  Huawei P10 Plus,            

LG G Flex 2, LG G4, LG G5, LG V10, LG V20

HTC One (M9), HTC One M9+

මේ IR Sensor එක ෆෝන් එකේ කොතැනද තියෙන්නේ..

මේක පිහිටලා තියෙන්නෙ ෆෝන් එකේ ඉදිරිපසට වෙන්න. පහලින් තියෙන පින්තුර ටික බලන්නකෝ.. එතකොට තේරුම් ගන්න පුලුවන්.

අපි කොහොමද දැනගන්නේ අපේ ෆෝන් එකට IR Sensor එකක් එනවද? නැත්ද? කියලා.

• පහසුම ක්‍රමය තමයි www.gsmarena.com වගේ වෙබ් සයිට් එකකට ගිහින් ඔයාගෙ ෆෝන් එකේ Specification පරීක්ෂාකරන එක. ඔබේ දුරකථනයට IR Sensor එකක් එනව නම් අනිවාර්යයෙන් මෙම වෙබ් සයිට් එකේ ඔබේ ෆෝන් එකට අදාල තොරතුරු පෙන්වන තැන එය සඳහන් කරනවා.

• අනිත් ක්‍රමය තමයි ZaZa Remote ඇප් එක Play store එකෙන් ඔයාගේ ෆෝන් එකට Install කරගෙන පරික්ෂා කරන එක. ඔයාගෙ ෆෝන් එකේ IR Sensor එකක් නැත්නම් එකේ ඉහලින් මේ වගේ Not Found IR කියල වැටෙනවා.

අපේ ෆෝන් එකට ඔය කියන Sensor එක එන්නෙ නෑනෙ. ඉතින් අපිට විකල්පයක් නැත්ද?

  ඔව් අද මම විශේෂයෙන් මේ Post එක ලියන්නේ ෆෝන් එකට IR Sensor එක ඇවිල්ල නැති. එත් තමන්ගේ ෆෝන් එක Remote Controller එකක් කරගන්න අසාවෙන් ඉන්න අය වෙනුවෙන්.
අපේ ෆෝන් එකේ IR Sensor එකක් නැති උනාට කමක් නැහැ. මේකට අපිට තියෙනවා IR Blaster කියල පොඩි ගැජට් එකක්.

මේ ගැජට් එක අපිට Ebay එකෙන් හරි, පිටකොටුවෙන් හරි මිලදී ගන්න පුලුවන්. රු.150ක් වගේ වෙන්නෙ. අපිට තියෙන්නෙ අපේ 3.5mm හෙඩ් ෆෝන් ජැක් එක සම්බන්ධ කරන තැනට ඕක සම්බන්ධ කරගෙන  ZaZa Remote ඇප් එක Play store එකෙන් දාගන්න විතරයි. ඔන්න දැන් ඔයාගෙ ෆෝන් එක රිමෝට් එකක්..

ZaZa Remote ඇප් එක මෙතැනින් Download කරගන්න.

මෙවිදිහට Download කරගන්න.

 Advance Settings වලට ගිහින් පහලින් පෙන්වල තියෙන විදිහට අගයන් ටික අනිවාර්යයෙන්ම සකසාගන්න.

අපිට ඕව හොයාගන්න අමාරුයිනේ. වෙන මුකුත් ක්‍රමයක් නැත්ද? ඔය වගේ එකක් හදාගන්න.

අපිට මේ ගැජට් එක හොයාගන්න අමාරුයි නම්, අපිට පුලුවන් මේ වගේ එකක් ගෙදරදීම හදාගන්න. අපි බලමු කොහොමද IR Blaster එකක් ගෙදරදීම හදාගන්නෙ කියල.

මොනවද අපිට ඕනි වෙන්නෙ?

* IR LED බල්බ් 2ක්   ( එකක් රු.20ක් වගේ වෙන්නෙ. ඕනෑම Electronic බඩු විකුණන කඩයකින් ගන්න පුලුවන්. මේවා නිල් සහ සුදු වශයෙන් වර්ණ 2කින් තියෙනවා. වර්ණය වැදගත් නැහැ. තියෙන එකක් ගන්න.  )

 සුදු වර්ණය සහිත IR LED බල්බයක්.

නිල් වර්ණය සහිත IR LED බල්බයක්.

* 3.5mm Stereo jack එකක්. ( රු.45ක් වගේ වෙන්නෙ මේක. මේකට 3 pole stereo ජැක් කියලත් කියනවා සමහර අය. )

* බවුත් එකක් ( Solder iron ). 

 * ඊයම් වයර් පොඩි කෑල්ලක්  ( Solder wire ) 

කොහොමද හදන්නේ..

මෙන්න Diagram එක.

ඒක ප්‍රයෝගිකව හදන්නෙ මෙන්න මේ විදිහට ( මේ රූප ටික හොඳට අධ්‍යනය කරන්න. )

 ඉස්සෙල්ලම IR LED බල්බ දෙකේ ධන අග්‍රයයි, ඍණ අග්‍රයයි මෙන්න මේ විදිහට හොයාගන්න.

LED බල්බයක දිග කම්බිය + අග්‍රය ලෙසත්, කෙටි කම්බිය - අග්‍රය ලෙසත් සලකයි.

  

බල්බයේ තුනී වී ඇති පැත්ත - අග්‍රය වනවා සේම තුනී නොවුන රවුම් වී ඇති පැත්ත + අග්‍රය වේ.

බල්බය අභ්‍යන්තරයේ විශාල වර්ගඵලයක් සහිත කොඩියක් වැනි කම්බි කොටස ඇති පැත්ත ඍන අග්‍රය වේ. අනෙක් කොටස ධන අග්‍රය වේ.

දැන් පළමු බල්බයේ + අග්‍රයට දෙවන බල්බයේ - අග්‍රය සිටිනසේත්, දෙවන බල්බයේ - අග්‍රයට පළමු බල්බයේ + අග්‍රය සිටිනසේත් මේ විදිහට සම්බන්ධ කරගන්න.

දැන් 3.5mm Stereo jack එක අරගෙන ඒකෙ ප්ලාස්ටික් ආවරණය ඉවත්කරගන්න. දැන් වයර් සම්බන්ධ කිරීමට සකසා ඇති දෙපැත්තේ තියෙන තහඩු කොටස්  2ට පහත රූපයේ පෙන්වල තියෙන විදිහට පාස්සගත්තු බල්බ දෙක සම්බන්ධ කරගන්න. ( Stereo jack එකට සම්බන්ධ කිරීමේදී  +, - භේදයක් අදාල වන්නේ නැහැ. )

බල්බ දෙක මේ විදිහට එකිනෙකට සමාන්තරව තිබිය යුතුයි.

 ඔන්න දැන් අපි අපේ IR Blaster එක හදාගෙන ඉවරයි. දැන් කම්බිකුරු පෙන්නේ නැති විදිහට වටේට ටේප් කෑල්ලක් අලවගන්න. ( අවශ්‍යම නෑ.. මේ විදිහට කැතයි වගේ කියල හිතෙන අයටයි ඒක කිව්වේ.. )

දැන් අර මම කලින් කියපු විදිහට ZaZa Remote ඇප් එක Play store එකෙන් අරගෙන Advanced Settings ටික හරියටම හදාගන්න..

කොහොමද අපි හදපු ගැජට් එක වැඩ කරනවද කියල බලන්නේ..

 දැන් අපි හදපු ගැජට් එක ෆෝන් එකට ගහගෙන ගෙදර TV එකට, AC එකට ගැලපෙන Remote එක ZaZa ඇප් එකෙන් හදාගන්න.. දැන් තව ෆෝන් එකක කැමරාව ON කරල අපි හදපු ගැජට් එකේ IR LED බල්බ දෙකෙහි ඉදිරි පස, කැමරාවෙන් පෙනෙන විදිහට හදාගෙන ZaZa Remote එකේ විවිධ බොත්තම් කිහිපයක් ටච් කරන ගමන් කැමරාවෙන් බලන්න ඒ IR LED බල්බ දෙක ලාවට පත්තු වෙනවද කියලා. හොඳට අඳුරු තැනකට ගිහින් බලන්න. නැත්නම් පෙනෙන්නේ නෑ.. පහත රුපය බලන්න..

1 රූපය - Remote එක නිවැරදිව ක්‍රියාත්මක නොවන අවස්ථාව ( බල්බය නොදල්වේ. )

2 රූපය - Remote එක නිවැරදිව ක්‍රියාත්මක වන අවස්ථාව ( බල්බය දැල්වේ )

ඔයාගෙ IR LED බල්බ දෙකත් මේ විදිහට ලාවට හරි පත්තු වෙනවනම් ඔයාගෙ ගැජට් එක සාර්ථකයි. දැන් ඉතින් තියෙන්නෙ හිතේ හැටියට  ඔයාගෙ ෆෝන් එක හරහා කැමති Device එකක් Control කරගන්න විතරයි.

සැලකිය යුතුයි.

ඉතාමත් කලාතුරකින් සමහර IR Blasters කැමරාවකට අල්ලා ඉහත විදිහට පරික්ෂා කිරීමේදී කැමරාවට LED බල්බ දෙක කිසිසේත්ම නොදල්වුනත් එය ඉතා නිවැරදිව විවිධ Devices සමඟ සම්බන්ධ වන අවස්ථා පවතී. එම නිසා කැමරාවට IR LED බල්බ දෙක අල්ලා පරික්ෂා කිරීමේදී ඉහත පරිදි බල්බ දෙක නොදල්වුනත් එය දෝෂ සහිත එකක් බවට Device එකක් සමඟ සම්බන්ධ කර පරික්ෂා කරනතුරු කිසිසේත්ම පුර්ව නිගමනයකට එළඹිය නොහැකියි.

Read more »

සුපුරුදු හෙළකුරු ඇප් එකෙන්ම සිංහල Voice typing කරමු...

  භාෂා ලංකා ආයතනය විසින් කලකට ඉහතදී සිංහල type කරීම සඳහා හඳුන්වා දුන් සුපිරිතම යතුරු ලියනය තමයි. හෙළකුරු කියන Keyboard එක. දැනටම මේක මිලියන දෙකකට අධික පිරිසක් මෙම ඇප් එක තම ජංගම දුරකතනයට භාගත කරගෙන ඉතා හොඳින් භාවිතා කරනවා. නොබෝ දිනකට පෙර Google ආයතනය විසින් සිංහල Voice typing හැකියාව ලබාදීමත් සමඟ ඔබ මම බෙහෙවින් ආදරය කරන භාෂා ලංකා ආයතනයත් තම හෙළකුරු ඇප් එක සඳහා සිංහල Voice typing හැකියාව නවතම update එක මඟින් ලබා දී තියෙනවා.. ඔන්න දැන් අපිට අපේ හෙළකුරු ඇප් එකත් කථන යතුරු ලියනයක් විදිහට භාවිතා කරන්න පුලුවන්. 

Google Keyboard එක හා Google Voice typing මඟින් සිංහල ටයිප් කරන හැටි ඉගෙන ගන්න මෙතැනින් යන්න.

කොහොමද අපි මේක හදා ගන්නේ...

දැනට හෙළකුරු Keyboard එක භාවිතා නොකරන අය Play store එකට ගිහින් ඒක install කරගන්න.

Phone එකට දැනටම හෙළකුරු Keyboard එක දාගෙන තියෙන අය පහලින් පෙන්වල තියෙන විදිහට Update කරගෙන ඒ සිංහල Voice typing පහසුකම අත්විඳින්න.. ☺☺☺

මයික් සලකුණ උඩ ටච් කරන්න. Start Speaking... කියල වැටෙනකොට ටයිප් කරගැනීමට අවශ්‍ය දේ කියන්න..

Read more »